Pambura

Akala ko’y tama ka;

‘Yun pala’y tama na

Sa isang pagsusulit

Ng pusong punit.

Ang aking pagkakamali

Ay ang pumili ng mali—

Sagot na mahirap isulat

Sa alaalang may pilat.

Ewan ko ba kung tama o mali—

Mahirap ang maiwan muli

Habang tapos na ang lahat,

Ako ang maglilinis ng kalat.

Nais ko lang ay palakpak

Ngunit ako’y palpak;

Tanong na kay hirap

Tila walang kasing saklap.

Teka. Naiwan ko ang pambura

At ako’y napapamura.

Tiyak na ako’y babagsak

At uuwing may sapak.